Naija plenty award winner Davido don finally ready to collabo with Zodwa Wabantu from South Africa
Zodwa na stage dancer wey take dance as her work, but the koko be say she no dey wear pant dance.
According to Zimbabwe Herald, na DJ Tira Afrotainment dey arrange the collabo between Davido and Zodwa Wabantu wey them dey also call Queen Vosso.
Wetin we hear be say na Davido tell DJ Tira make him help am find Zodwa, say him wan feature am for him new music video.
Davido never fix any date for the video shoot.
Zodwa wey dey stay for Durban, South Africa don dey make top story for the kind way wey she dey dress and say she no dey wear pants.
Them ban the dancer make from Harare International Carnival for Zimbabwe last year because the organisers been wan make she wear pant but she no gree.
Watch video where Wabantu dey dance with the link;