CHAN 2018 Results (Matchday 1 Of 3)

17
CHAN 2018 Results (Matchday 1 Of 3)See CHAN 2018 Results (Matchday 1 Of 3)

The African Nations Championship still dey go on and we don see very happy moments for the competition reach where we decide to bring una  the CHAN 2018 Results (Matchday 1 Of 3).

Even though say we country Nigeria no win their first game wey them play against Rwanda, the tournament still get some very good times wey we witness for other matches.

Like when the host country win their opening game as them nak Mauritania 4-0, Sudan win Guinea 2-1, Namibia beat Ivory Coast 1-0, Zambia wipe Uganda 3-1, then this yesterday, Libya thrash Equitorial Guinea 3-condo.

Today, we go see Angola face Burkina Faso around 5:30pm and Cameroun go tackle Congo for 8:30pm.

Na the two match wey dey today be that and na another chance to see wetin our African home based players go fit do.

Una go agree with me say Africa get plenty talent for different area wey them dey but as the matter dey be we just want make our own country Nigeria show their talent make e for no loss, after all e no get who go carry the cup make e be say na wrong man.

We dey hope say them no go draw like ogbono for their next match o, na win we need. But e still make sense as them no lose sha.

CHAN 2018 Results (Matchday 1 Of 3)

NO COMMENTS

LEAVE A REPLY