Today i wan post something different and na celebrity pictures i carry come
As the music industry dey grow and artists dey grow too, live dey move on generally, i don make collection of some artists and today i go start with the celebrity pictures of Emtee.
Him real name na Mthembeni Ndevu and him rise to fame after him drop him hit single “Roll Up”, and him dey under Ambitiouz Entertainment. Them born am on 15 September 1992 (age 25 years), for Matatiele, South Africa.
SA hip hop never complete if you no mention Emtee among the top rappers and him don drop many jamz plus na the kind pesin wey like talk him mind and becos of dat him don get issues with some artists like wen him say Cassper hit single “Ksazobalit” na wack song. But wetin him sabi do pass na to make fans dey blast am on top social media. E get time wey him even leak him own private part online by mistake but as the matter come trend, him say him no feel bad about am at all.
Apart from that, him don form the habit to dey take syrup and the substance don dey kill him teeth after Lerato Kgayango warn am about am.
Emtee get 2 children already and recently him buy am Mercedes Benz for him son although say e neva too tey wen fans still blast am wen him say him go allow the little boy smoke but him later defend himsef.
Emtee still dey into modelling and in short na hustler him be. Check out him 2018 pictures for down, click anyone to make am big.