President Muhammadu Buhari, Vice President Yemi Osibanjo, All Progressives Congress (APC) National Chairman, John Odigie Oyegun and other big names for the party suppose participate for the party mega rally in Abia State.
The State Publicity Secretary of the party, Comrade Benedict Godson tell newsmen on Monday for Umuahia, the state capital after the inauguration of the party Contact, Mobilization/Rally Committee say the event go hold for the state capital in October.
Godson explain say the mega rally na to present new members of the party wey include former Governor of the state, Dr. Orji Kalu, Chidi Onyeukwu Ajaegbu, immediate past President Institute of Chartered Accountants of Nigeria (ICAN), Dr. Sampson Uche Ogah, CEO Masters Energy and former Abia PDP governorship aspirant for 2015 election, Chief David Ogba Onuoha, MD of defunct Bourdex telecommunication and Abia North Senatorial candidate of the All Progressives Grand Alliance, MD of defunct Hallmark Bank and brother to former senate president (Adolphus Wabara), Mark Wabara among other Abia political big names wey go dey present to the public.
According to Godson, the rally na to prepare the party to get more supporters ahead of the 2019 general election.
Him still confirm say the party no go zone the governorship position for the state to any zone, and him add say the party through open primaries go present candidates wey dey willing to serve Abians and deliver dividend of democracy to all parts of the state.