President Muhammadu Buhari attend the expensive wedding fatiha of Aliko Dangote daughter, Fatima, and her husband Jamilu Abubakar on Friday for Kano
The wedding fatiha (as be say na the normal way our Hausa brothers dey call am) between Fatima and Jamilu, son of one former Inspector-General of police, Muhammad Abubakar, happen around 12pm for Emir of Kano palace.
The News Agency of Nigeria report say na the Emir of Kano Muhammadu Sanusi II coordinate the wedding and the Chief Imam of Kano, Prof. Sani Zaharaddeen support am.
Buhari wey act like the bride ‘father’ collect N500,000 dowry from the people wey represent the groom for the occasion before him carry am give them.
Other important people wey come the occasion na former Head of State, Retired Gen. Abdulsalam Abubakar; Speaker, the House of Representatives, Mr Yakubu Dogara and some serving Senators wey escort am along with Bill Gates.
Some governors and ministers, as well as traditional rulers from across the country, also attend the wedding.
Others na the former National Security Adviser, retired Gen. Aliyu Gusau, members of the business community, politicians and members of the diplomat corps, with others.
The event, wey important Islamic scholars and other well wishers from across the country also attend witness big turnout of workers from the different companies wey Dangote get.
Security for the event dey very tight as security men wey carry better weapons block every entrance wey lead to the venue. And that one make am hard for us to enter the place get
Source – (NAN)