E be like say the Rob Kardashian and ex-girlfriend Blac Chyna go soon settle the kwanta wey them get.
On Saturday, Chyna wish Kardashian happy 31st birthday as she post one photo where them dey together with their daughter, Dream.
Remember say e get time wey the two lovers wey get one girl together get serious kwanta reach where Rob Kardashian come dey misbehave because him lover Blac Chyna dey cheat on am.
Later them waka every man him way and since then them no dey together again. But recently as Rob birthday reach, Chyna wish am happy birthday come post their picture together.
For the post wey she make for Instagram she say
“Happy Birthday Rob from Dreamy and Chy.”
See photo below;
The drama between this ex-lovers no be small matter o, e reach where Blac ex-lover wey be Tyga even put mouth join as him tell Rob make him remember say him warn am about Blac Chyna. But Blac still dey worry the internet as more of her sex tape dey drop from time to time.
The most recent Blac Chyna sex tape wey drop few weeks back been shake internet and since then she don dey lowkey until she wish her baby daddy happy birthday.