Na big say Kanye West and Drake dey work together on a song for Yeezy new album but e be like say the 2 hip-hop super starsdey up to something else as them camp for Wyoming
Sources from Jackson Hole tell TMZ say the two rappers dey stay for the Amangani luxury hotel and resort under different names and them carry big team with them.
Kanye West been dey with him own team but as Drake join am, him bring him engineer, songwriter and him personal photo/videographer.
Big names like Lil Uzi Vert along with major producers wey dey work with Kanye and Drake dey there too.
The sources say them still bring enough audio and recording equipment with them and possibility dey say them wan set up their own studio for Kanye apartment as the rapper dey stay for separate house for the resort away from the main hotel.
Even the popular personal chef Paul Zlatos wey been dey work for Oprah also dey there to make sure say the group dey chop well.
Last last e be like say as Drake and Kanye dey up to something big and not just for Drake to appear on Kanye album.
And with the number of other artists like Travis Scott, The Dream, NAS and Kid Cudi, big thing dey on the way.