#BBNaija: See The BBNaija Housemates Wey Them Fit Evict

See The BBNaija Housemates Wey Them Fit EvictThe BBNaija housemates dey in group of two and as we been tell una before, the group go dey collect both rewards and punishment together even when e reach eviction, them go comot together.

The way wey Big Brother take group them, two of them go dey responsible for themself and for them to continue to dey the show, they go put heads together which to me na to their advantage as two heads better pass one.

Which Of The #BBNaija Pair Be Your Favorite

The housemates vote like this;


Bitto & Princess – 1. Teddy A and BamBam 2. KBrule and Khloe

Lolu & Anto – 1. Angel and Ifu 2. KBrule and Khloe

Vandora & DeeOne – 1. Angel and Ifu 2. Lolu and Anto

Rico & Ahneeka – 1. Miracle and Nina 2. Bitto and Princess

KBrule & Khloe – 1. Bitto and Princess 2. Miracle and Nina

Leo & Alex – 1. Angel and Ifu 2. Bitto and Princess

Teddy & BamBam – 1. KBrule and Khloe 2. Miracle and Nina

Miracle & Nina – 1. KBrule and Khloe 2. Angel and Ifu

Angel & Ifu – 1. KBrule and Khloe 2. Leo and Alex

Tobi & Cee-C – 1. Bitto and Princess 2. Lolu and Anto

But Tobi win the ‘Head of House’ challenge and with that, him don comot from the eviction list, plus also get opportunity to save one group and replace them with another. Tobi save Miracle and Nina, come replace them with Teddy A and BamBam.

This nomination na for Fake Eviction based on wetin the reality show host Ebuka announce, say fake eviction go dey.

According to him, this na part of Big Brother plan to make the show fun, and also keep the Big Brother Naija housemates alert.

Remember say for the Big Brother Naija 2017, Jon Ogah and Ese Eriata, the fake housemates of Big Brother Naija reality show, comot from the show after them don dey the house for two weeks.

Big Brother carry Ogah and Eriata come so them go fit provide entertainment for the house.