Bayelsa Support Operation Crocodile Smile II, Army Free Medical Service

13
Loading...

Operation Crocodile Smile IIBayelsa support Operation Crocodile Smile II wey come with Army free Medical service in Niger Delta.

Gov. Seriake Dickson assure the people of the state make them no mind the rumour wey say the exercise ‘ Operation Crocodile Smile II ’, wey include free medical care, go in anyway put the health and safety of the people for risk.

For statement wey him Chief Press Secretary, Mr Francis Agbo release for Yenagoa, Dickson talk this one as him receive letter of commendation from the Chief of Army Staff, Lt. Gen. Tukur Buratai.

Loading...

Dickson, wey describe the rumour as wrong, urge Nigerians make them no panic, instead make them cooperate with the military as them discharge medical outreach and community support initiatives.

As him point out again say him administration dey ready to continue to keep the peace, security and stability wey dey the state, Dickson assure the Nigerian Army and other security agencies say him dey give greater support as them discharge their duties.

Him explain say the state government don donate large piece of land for them to build barracks for Yenagoa and a Forward Operations Base for the western senatorial district.

Read part of the statement in quote;

“The military and other security agencies are a force for good and I want to use this opportunity to call on community leaders to continue to support the military.

“We can’t have a Nigerian military that is coming here to inject people with poisonous substances.

“That is not the army we have. This is our own army. These are our brothers, friends and fellow Nigerians, who mean well for all of us.’’ Dickson said.

The Chief of Army Staff, wey be say na Maj.-Gen. Rogers Nicholas represent am, praise Dickson for the support of him administration.

ALSO READ: Anambra State Govt Sack 2 School Principals

Buratai say the support include giving them large piece of land to build barracks, Forward Operation Base plus creating good environment for the Army to tackle insecurity for the state.

Loading...

NO COMMENTS

LEAVE A REPLY