Armed Robber Kill Him Partner By Mistake For Operation

10
Loading...
Armed Robber Kill Him Partner By Mistake For OperationPolice Confirm The Matter Say Armed Robber Kill Him Partner By Mistake For Operation

One armed robber kill him partner by mistake after their plan to rob one Chibueze Francis fail along Bakery road, Azikoro village, Yenagoa.

As him dey confirm the matter on Sunday, the Spokesperson of the State Police Command DSP Asinim Butswat tell the News Agency Of Nigeria (NAN) say the thief kill him partner by mistake after him looseguard come shoot am.

Loading...
Checkout The Gunshot Wound Wey Kidnapper Evans Get After one 2006 Lagos Robbery

Asinim tell NAN say na around 8pm on 22nd December the two-man gang of armed robbers attack their victim along Bakery road, Azikoro Yenagoa, and na as them dey try obtain the man one of the robbers shoot him partner.

Mr Chibueze Francis wey be the victim escape without any injury.

The robber wey die na Thankgod Smith, 25 years old and him partner wey shoot am na Peter Napoleon, 23 years.

The suspect carry himself give Police on December 23rd as him confess about the robbery plus say him kill him partner.

Him carry men of the force go one uncompleted building along that same Bakery road, Azikoro where them recover the gun.

 

Loading...

NO COMMENTS

LEAVE A REPLY