Angry Boyfriend Poison Full Family


Angry Boyfriend Poison Full FamilyAfter Esther break up with him, angry boyfriend poison full family

According to Daily Trust, Esther been dey date Rasaq, wey people for their area sabi as  ‘fine boy’ and she suddenly decide say she no wan do again but Rasaq wey be commercial motorcycle operator no dey happy with her decision.

Rasaq come plan with one of Esther female friends to poison the food wey the whole family go chop. After them chop, Esther and her mother, Mrs Kehinde Fasanya wey be staff of Obokun Local Government die sharp sharp.

Efforts to save the lives of other people wey also chop from the food no work as three among the four persons wey them carry go Wesley Guild Hospital of the Obafemi Awolowo University Teaching Hospital in Ilesa later die.


The Commissioner of Health for the state, Dr Rafiu Isamotu say him know of the death of the other two persons out of the four people wey them carry go hospital in Ilesa but say him never get update about the death of the third person.

According to Isamotu;

“Two out of the four persons that we took to Wesley Guild Hospital in Ilesa could not make it. They are dead. Four persons lost their lives so far to the best of my knowledge. I have not been told about the death of any of the remaining two persons.”

The Commissioner of Police for the State, Mr Fimihan Adeoye in chat with Daily Trust on telephone confirm say them don arrest Rasaq.