Anambra State government don demolish the place where Fulani herdsmen dey stay for state capital Awka this morning
The state government don bring down the pako buildings wey dey for one place where locals dey call Alausa for Temp site Awka.
Them dey call am Alausa (Hausa land) based on say na aboki people dey stay for the area, them build pako house full there, them come get wetin be like mini market where them dey buy and sell things. For night if you enter there, you go think say na the popular Oshodi market for Lagos back then wey e never get the kind arrangement wey e get now.
We been get report say government give them notice make them pack but most of them no gree comot there. And the koko be say those Hausa people don dey cause wahala for the area as them dey enter student hostels for the area dey obtain them.
One student for the area say on some kind days, the aboki people fit enter one lodge pack 4 generator for night and people no go know until the next day wey day don break.
Another student say sometimes them fit wash cloth spread outside, before you wan go pack your cloth them go don move am.
Na as the matter come dey worse, people wey get the land come dey involved and na like that government too come decide to level that place.
This na big thing the government don do for people wey dey the area
See photos for down;
Watch Video below: