This 23 Years Old Lady Meet Her Death On New Year Day As She Dey Come Back From Church
According to report, she be blogger with In-Situ Media and the 23 years old lady meet her death on new year day as she dey come back from church after the cross-over service.
Na motor kill the young lady as she dey try escape from two robbers wey wan obtain am for Anthony bus stop.
The late Oluwafeyidara Adekoya dey bus stop dey wait for bus before the two men wey carry okada come block am make they for collect wetin she get.
The Nation gather say they be wan obtain her handbag and phone before the girl come soji herself, raise alarm come start to run with the men behind her as them begin chase am with the okada.
Na that time one motor wey dey come from front come hit them, the girl die on the spot, the second man wey dey bike get serious wound but the hit-and-run driver and the man wey dey ride the okada escape.
One witness wey identify himself as Uche give details say the girl die there and then, the other robber no get himself as him knock out but when the Lagos State Ambulance Service show with LASEMA, them bring am back to him sense come carry am go hospital.
Person wey dey see over LASEMA general matter Adesina Tiamiyu say they don hand over the suspect give police.
Him say na based on say them hear say the man na suspect and them wan rob the late Adekoya na why them hand am over give police after them don treat am for Gbagada General Hospital.
But the talk-talk person for police Superintendent Chike Oti say them dey investigate hit-and-run matter no be robbery since the man wey hit them leave them run.
Oti say him confirm say na accident but no robbery.