The singer himself share the news on top Social media, say him don buy Private Jet, and e go land Nigeria in 2 weeks
The trending news be say Naija music star, Davido don buy private jet and the model na Bombardier Challenger 605.
Him post video of one receipt on top Instagram and the feceipt get details of the aircraft. From wetin we see, the aircraft na Challenger 605.
The musician also make am clear for post say the private aircraft go land for the country in two weeks’ time.
Although say nothing dey to really confirm see the 10 things you need to know about the Challenger 605.
1. The Bombardier Challenger 605 business jet na product of Bombardier Aerospace.
2. The CHALLENGER 605 wey them introduced in 2006 na upgrade to the Challenger 604.
3. The 605 get some change wey make am better than the 604 plus say e get larger cabin windows.
4. The Challenger 605 na super middle size private jet wey fit match the operating costs of small aircraft.
5. E fit reach the high speed of 870 km/h (470 ktas) or 785 km/h (424 ktas) for long range travel, and e get maximum range of 4,000 nautical miles (7,408 km). With cabin length of 25 feet, 7 inches (7.80 m).
6. E fit accommodate 10 passengers normal.
7. According to the General Aviation Manufacturers Association like 30 to 40+ of these aircraft dey sell each year for the past 15 years.
8. Brand new Bombardier Challenger 605 cost exactly N9.7billion ($27m).
9. “Tokunbo” (used) 605 na around N5.4Billion ($15m) for 2008 vintage aircraft.
10. The total yearly cost to maintain a Bombardier Challenger 605 dey around N1.3billion ($3,481,595) including market depreciation of ($1,240,920) or $5,342,974 plus book depreciation of $3,102,300. The two figures include fixed costs per year of $724,861.
As the jet go land in 2 weeks time, na to see as the Naija music star go take celebrate am.