10 Facts About Google


Google Facts

Google dey really control the World Wide Web no be go come. Jimmy Wales no dey wrong when him say ‘if something no dey Google, e no dey exist. Shey e ever get when you get issues or you wan find something online wey you no google am?


Google dey make any homework, research or collecting info more easier than say you go library.

Google don settle plenty arguments for my hood here and shhh! i don even use Google chop some kind people money sef. LOL!

Here na facts about Google wey you need know;

  1. For early days of Google, e fit process 30-50 pages per second, today e fit process millions of pages per second.
  2. As of 2009, for their Mountain Views headquarters, Google dey rent 200 goats wey dey help them graze their lawns (Google the meaning of this grammar ‘lawn’)
  3. Google add Klingon as part of Google language for 2002.
  4. Oxford-English Dictionaries and Merriam-Webster both add the word ‘Google’ for dictionary and the meaning na to “search for information about something or someone” for internet using Google search engine.
  5. When Google employ new people, them dey call them Nooglers and them dey wear blue, yellow and red hats for their first company-wide meeting.
  6. If person wey dey work for Google die, the husband or wife go dey get half of the salary for 10 years.
  7. Google buy Motorola in 2011 for $12.5 billion, come sell am after the surprise downturn for $2.5 billion.
  8. Google acquire Youtube in 2006 for $1.65 billion.
  9. Google get one blackout for 2013 wey take down all their services for 5 minutes, come cause 40% drop for internet traffic across the world.
  10. Google own many big names wey still include Android the operating system, Waze the GPS traffic system and Nest, a smart home system.

Now wey you don sabi this tashere information begin use Google to get answers and research solution.